Оңайбай Көшеков атындағы Атырау аграрлы– техникалық колледжі –
тарихы мен тағылымы сонау мыңжылдықтан бастау алған көне оқу орны.
1948 жылы халық арасында ауыл шаруашылығы жұмыстарының артуына байланысты сұраныспен Мақат ауданына қарасты Ескене өңірінде мал дәрігері мен
мал өсіру мамандарын даярлайтын зооветеринарлық техникум ашылды.
1953 жылы техникум облыс орталығы Гурьев қаласына ауыстырылып,
1954 жылы сырттай оқу бөлімі ашылды.
1962 жылы Гурьев ауылшаруашылық техникумы болып жаңа атаумен өзгертіліп, техник-механик, агроном, есепшілер дайындайтын мамандықтармен толықтырылды.
1975 жылы 5 қабатты типтік оқу корпусы,4 қабатты жатақхана, 2 қабатты асхана және гараждар мен шеберханалар пайдалануға берілді.
1997 жылы Атырау облысы әкімінің (1997жылғы 30 мамырдағы №437) шешімімен Гурьев ауыл шаруашылығы техникумы мен Гурьев теңіз балық шаруашылығы техникумын оңтайландырып, біріктіру нәтижесінде Атырау аграрлы – техникалық колледжі құрылды.
Аталмыш оқу орны – ауыл және балық шаруашылығына қажетті 16 түрлі мамандықты дайындайтын облыстағы негізгі ірі оқу орнының біріне айналды.
2004 жылы колледждің спорт кешені пайдалануға берілді.
2005 жылы Атырау агротехникалық колледжі «Аграрлық Қазақстан -2005» кітабына енді.
2006 жылы колледжде «Ғимараттар мен құрылыстарды салу және пайдалану» мамандығы ашылды. Осы жылы «Атырау облысы мұғалімдерінің энциклопедиясы» кітабына енді.
2007 жылы Қазақстан Республикасы Білім және ғылым министрлігінде мемлекеттік аттестациядан өтті.
2007 жылы колледж СМЖ процестерін қолдау және жетілдіру, инновациялық әдістер мен оқыту құралдарын енгізу жұмысы бойынша ҚР СТ ИСО 9001-2001 Сапа менеджменті жүйесіне сай сәйкестік сертификатына ие болды.
2009 жылы 600 орындық оқу ғимараты салынып, «Компьютерлік технологиялар және бағдарламалық қамтамасыз ету» мамандығы ашылды.
2010 жылы алғаш рет «Құрылыстарды салу және пайдалану» мамандығы бойынша мамандар шығарылды.
2010 жылы колледждің әкімшілік ғимараты қайта жөндеуден өтті.
2019 жылы Қазақстан Республикасы Үкіметінің қаулысымен Атырау аграрлық-техникалық колледжіне Оңайбай Көшековтың есімі берілді.