26 – қазан күні Елордамыз Нұрсұлтан қаласында ҚР Ғылым комитеті мен ” Bilim órkenieti ” Ұлттық инновациялық ғылыми – зерттеу орталығының ұйымдастыруымен “Жылдың жүз үздік ғылыми жобасы” атты республикалық байқауы өтті. Байқаудың мақсаты: Республикамыздың білімді шəкірттерін, білікті педагогтарын анықтау болды. Байқау екі кезеңнен тұрды. Аталған байқауға еліміздің көптеген оқу орындарының оқушылары мен мұғалімдері қатысты. “Ғылым адам санасына болмысы бөлек, ерекше ұтқыр ұғымдарды орнықтыру арқылы ғана терең ұялайды” демекші О.Көшеков атындағы Атырау аграрлы – техникалық колледжінің шығармашыл, қазақ тілі мен əдебиеті пəні оқытушысы Нугмарова Айғаным Құресқызы жəне 2пд1 оқу тобы студенті Əділхан Еңлік өздерінің ғылыми жобаларымен бірінші кезеңнен сəтті өтіп, екінші кезеңінде өте жақсы қорғады.
Əділхан Еңлік
3- дəрежелі жылдың “Жылдың жүз үздік ғылыми жобасы” атты дипломмен, түрлі-түсті жинақпен жəне төсбелгімен марапатталды.
А.К.Нугмарова
1-дəрежелі “Жылдың жүз үздік ғылыми жобасы” атты дипломмен жəне “Жылдың жүз үздік мұғалімі ” атты төс белгімен марапатталды. Қорытындысында дарынды жастар мен ұстаздарға ұйымдастырушылар алғысын білдірді.