Оңайбай Көшеков атындағы Атырау аграрлы-техникалық колледжі бойынша Халық-аралық Мұғалімдер күніне арналған «Ұстаз – ұлағатты есім» тақырыпты салтанатты шара өткізілді.Мерекелік құттықтаулар бейнебаянымен басталған шараның алғашқы құттықтау сөзін колледж директоры, техника ғылымдарының докторы, профессор Джанзаков Ислам Исагалиевич бастады.2020 – 2021 оқу жылының қорытындысымен ерекше нәтижеге қол жеткізген оқыту-шылар мен қызметкерлер колледждің «Құрмет грамотасымен» марапатталып, естелік сыйлықтарға ие болды.Колледждің дәстүрі бойынша 2021-2022 оқу жылы колледжге педагогтік қызметке қабылданған жас оқытушылар Педагогикалық қызметкердің Антын қабылдады. Осы оқытушылар атынан сөз алған өндірісте ұзақ жылдар еңбек етіп, мұғалімдік қызметке алғашқы қадам бастаған Қорғанбаев Нұрлан Теміржанұлы өз әріптестері атынан үлкен сенім көрсеткен колледж ұжымына ризашылығын білдірді.Мерекелік шарада әріптестері мен жас ұстаздарды колледж ардагері, Қазақстан Республикасы Білім беру ісінің Құрметті қызметкері Аманғалиева Жұмағаным Насипулловна құттықтап, шығармашылық табыс, сәттілік тіледі.
