Биылғы жылы, қазақ елінің мақтаныштары ғұлама-ғалым Әл-Фараби мен дана, дара Ұлы Абай Құнанбаевтың мерейтойларына арнап халықаралық, республикалық дәрежеде ұйымдастырылған шаралармен бірге бүкіл халықтық қолдау тапқан қазақтың маңдайына біткен дауылпаз ақын Ж.Нәжімеденовтің де 85 жылдық мерейтойы тойлануда.Қазақстан Республикасы Мемлекеттік Гимнінің авторларының бірі, жерлес ақынымыз Жұмекен Нәжімеденовтің 85 жылдық мерей тойына арналған «Қошалақтан шыққан дарын» тақырыпты кешенді тәрбиелік шаралар Оңайбай Көшеков атындағы Атырау аграрлы-техникалық колледжінде жыл бойы ұйымдастырылып келеді. Осы орайда, жыл басында «Қазақстан-Атырау» телеарнасынан бастау алған, біздермен көршілес орналасқан Саламат Мұқашев атындағы Атырау политехникалық жоғары колледжі студенттерінің жерлес ақынымыздың шығармашылығына арналған челленджін біздің студент жастарда қабыл алды.Дарынды жерлесіміздің шығармалары колледждің ұстаздары, ата-аналары, студенттері тарапынан қолдау тауып, кезекті жыр эстафетасы біздермен көршілес орналасқан Атырау бизнес және құқық колледжінің студент жастарына жолданды.