Бүгін О.Көшеков атындағы Атырау аграрлы-техникалық колледжінің студенттерімен «ZHAS LIFE» жобасы аясында «FACE TO FACE» кездесуі өткізілді. Кездесу барысында мемлекеттік бағдарламалар мен жобалар туралы кең ауқымды ақпарат берілді. Бұл кездесудің мақсаты – студенттерді мемлекеттік қолдау бағдарламаларымен таныстыру, олардың кәсіби дамуына қолдау көрсету және болашақ мамандардың мемлекет ұсынатын мүмкіндіктерді тиімді пайдалануына жол ашу.
Кездесу барысында студенттерге түрлі мемлекеттік бағдарламалар, олардың мақсаттары мен шарттары туралы толық түсіндірілді. Атап айтқанда, білім беру гранттары, жастар кәсіпкерлігін қолдау бағдарламалары, ауыл жастарын қолдау жобалары және тағы да басқа маңызды бағдарламалар қарастырылды. Әр бағдарлама бойынша қатысу мүмкіндіктері, талаптары мен артықшылықтары нақты мысалдармен көрсетілді. Сонымен қатар, кездесуге қатысқан студенттер өздерін қызықтырған сұрақтарды қойып, мамандардан тікелей жауап алды. Бұл сұрақтар арасында гранттар алу жолдары, кәсіпкерлікті бастау үшін қажетті құжаттар, жобаларға қатысу үшін талап етілетін шарттар және тағы басқа тақырыптар талқыланды.
Жоба Атырау қалалық ішкі саясат бөлімінің қолдауымен «Азаматтық бастамаларды қолдау орталығы» КЕАҚ қолдауымен «Алматы студенттер Альянсы» КҚ ұйымдастыруымен жүзеге асырылуда.
#Біртұтас_тәрбие_Атырау
@bilimatyrau
@worldskillsatyrau
@adisteme_ortalyk_atyrau
@talap.edu.kz
#bilimatyrau# worldskaills24
#worldskillsatyrau
#adisteme_ortalyk_atyrau
@atyrau_qalasy_akimdigi
